10 Qershor 2008
Pikërisht ky ka qënë dyshimi që ka pasur policia e Aeroportit të Rinasit të premten paradite kur personazhi i njohur i “Kafazit të Artë 5” ka qënë duke hipur në avion. Ben Kasemi nga sa kemi marrë vesh ka bërë një marrëveshje me një agjensi udhëtimesh për t’u bërë guida turistike e agjensisë për klientët e rëndësishëm që udhëtojnë drejt Turqisë. Agjensia e udhëtimit ka menduar të përdorë popullaritetin e krijuar nga Beni për të thithur sa më shumë vëmendjen e klientëve por mesa duket Beni ka tërhequr edhe vëmendjen e policisë edhe pse nuk dihen shkaqet.
Ajo që dihet me siguri është fakti se të premten paradite Beni me një grup turistësh shqiptarë që po niseshin drejt Turqisë me një avion të linjës janë gjendur para një skene të një brutaliteti të jashtëzakonshëm. Grupi që si guidë kishte Benin e Kafazit janë gjendur në Rinas diku rreth orës 9 e 30 minuta dhe pasi kanë dorëzuar të gjithë dokumentat sipas procedurave po prisnin orarin e avionit të tyre me destinacion një hotel në Stamboll. Në momentin e check in ose kalimit të pikës së fundit të kontrollit para ngjitjes në avion ka ndodhur një incident jo i vogël dhe që ngre shumë pikëpyetje.
5 minuta para nisjes së avionit Benin e kanë ndaluar në mënyrë të dhunshme dhe i kanë komunikuar që do ta kontrollonin pasi kishin dyshime që djali nga Puka kishte me vete sasi droge pra mund të bënte trafik ndërkombëtar droge në drejtim të Turqisë. Ndërkohë që avioni është nisur Beni dhe i gjithë grupi që ky i fundit duhej të shoqëronte drejt Turqisë ka mbetur i bllokuar në aeroportin “Nënë Tereza”. Aty Beni i është bërë një kontroll ekzemplar jo vetëm valixheve duke i shqyer dhe duke përhapur rrobat e tij nëpër aeroport por edhe kontroll fizik të imtësishëm. Pasi nuk gjetën gjë policia i komunikoi kafazierit se nuk mund të shkonte në Turqi pasi nuk ishte i pajisur me vizë dhe ai bashkë me gjithë grupin e tij duhej të rrinin në tokë shqiptare.
Pasi informatori ynë në Rinas na tha këto detaje nga skena ku policia ulëriste nëpër sallat e mëdha të aeroportit, ne kontaktuam me vetë personazhin kryesor diku nga mbrëmja. Beni na konfirmoi që kishte pasur një incident me policinë e aeroportit por nuk na tha se për çfarë arsye e kishin ndaluar, dhe se e kishin vënë shumë në siklet në sy të klientëve në rrugën e tij të parë si një guidë turistike. Ai gjithashtu na tha se nuk ka ndërmend të rresht që në ditën e parë të punës por do të ritentojë të shkojë drejt Turqisë.
Pasagjerët që Beni duhej të shoqëronte drejt Stambollit kanë mbetur të shokuar kur guida e tyre turistike u ndalua nga policia pasi dyshohej për posedim droge. Por më shumë janë mërzitur kur avioni që duhej t’i çonte drejt pikës turistike të preferua nga shqiptarët, u nis pa ata në bordin e tij. Ajo që askush nuk po kupton në këtë histori është se nga i lindi ideja policisë së Rinasit që Ben Kasemi kishte drogë me vete???
Postuar në Pa kategori 
0 Komente »
27 Maj 2008
Gazeta VFLP ka publikuar me date 18 maj kete shkrim mbi fituesin e Eurovizionit nderkohe qe finalja u zhvillua me 24 maj. Per te gjithe ata qe pane naten finale, beni krahasimin me shkrimin e publikuar qe po e sjellim sot te plote dhe te paredaktuar
Skandal
Eurovizioni në Beograd kthehet në festival të politikës
Çmimi I parë ka disa muaj që është caktuar
Këtë vit festivali europian I muzikës do të zhvillohet në Beograd. Në edicionin e fundit të Eurovizionit Shqipëria do të përfaqësohet nga këngëtarja fare e re që fitoi festivalin e fundvitit Olta Boka me këngën “Zemrën lamë peng”. Për të gjithë ata që kishin ndonjë shpresë për një festival të drejtë dhe për ndonjë shank për Shqipërinë, fatkeqësisht gabohen rëndë. Nga një informatory I yni në Beograd I cili është brënda organizimit të Eurovision na thotë që evenimenti do të jetë një farsë e plotë që më shumë se këngë do të prezantohet politika rajonale dhe ajo kontinentale. Gjatë këtij artikulli do të themi edhe asyet e një deklarate të tillë. Pikë së pari vetë Serbia ka caktuar si prezantues këngëtarin e njohur serb Zeljko Joksimovic I cili në të shkuarën ka qënë përfaqësues I kësaj të fundit me këngën që më pas rezultoi e vjedhur “Lane Moje”. Pasi plasi skandali nëse e mbani mend dhe kënga u skualifikua, Anjeza Shahini nga vendi I shtatë fitoi automatikisht vendin e gjashtë. Më pas shteti organizator do të prezantohet me një duet të dy femrave Jelena Tomasevic dhe Bora Dugic me një këngë të kompozuar nga as më pak e as më shumë por nga vetë prezantuesi Zeljko Joksimovic, por mos u bëi merak, sepse nuk është ky skandali për të cilin po flasim pasi këto janë thjesht disa hile të vogla që ka bërë shteti organizator dhe të tilla shkelje flagrante edhe mund t’I kapërdijmë. Ajo që na u duk shqetësuese është favorizimi I përfaqësuesit të Rusisë në Eurovision 2008. Shteti rus do të ketë të dërguarin e saj një këngëtar me emrin Dima Bilan I cili do të performojë këngën “Believe” ose në shqip “Beso”. Djali nuk është I panjohur për publikun pasi në 2006 zuri vendin e dytë pikërisht në Eurovision. Edhe në faqen e internetit të festivalit këngëtari ka një hapësirë shumë të konsiderueshme në krahasim me këngëtarët e të gjitha vendeve. Informatori ynë atje na garanton se do të jetë pikërisht Dima Bilan fituesi I sivjetshëm I Eurovision 2008. Një detaj shokues ka të bëjë me skenografinë e tre datave të festivalit. Të gjitha vendet pjesmarrëse do të kenë normalisht skenën dhe skenografinë në dispozicion ndërsa vetm për këngëtarin rus do të jetë në dispozicion një ndryshim total I skenografisë dhe kënga e tij do të performohet mbi një pistë akulli që akoma nuk dihet se si do të instalohet tamam tamam. Kjo bëhet që performance e tij të bëhet më bindëse në sytë e publikut I cili nuk duhet të dyshojë në një rrjedhje të çuditshme votash. Zakonisht në rastin e Eurovisionit njihet fakti që të gjithë vendet votojnë maksimumin për përfaqësuesin e tyre dhe më pas favorizojnë fqinjët porn ë rastin e Rusisë do të ketë një unanimitet në dhënien e pikëve maksimale, pa pritur rezultatin e votimit. Çfarë mund të thuash tjetër veç se: sa gjynah…
Postuar në Pa kategori 0 Komente »
27 Maj 2008
ardit
Javën e kaluar në një supelment të përjavshëm lajmi I një divorci mes Ardit Gjebreas dhe bashkëshortes së tij Anila Gjebrea provokoi kuriozitetin e mijëra njerëzve. Vetëm në redaksinë e VFLP kanë ardhur dhjetëra e-mail dhe telefonata rreth vërtetësisë ose jo të lajmit që ka tronditur dashamirësit e artistit dhe pasionantët e thashethemeve, ndër të cilët bëjmë pjesë edhe ne. Ditën e shtunë të javës së kaluar që u doli lajmi ka qënë e pamundur të kontaktohej me producentin e njohur. VFLP vendosi të dislokonte pranë shtëpisë së Gjebreas një grup të vogël të pajisur me aparat fotografik dhe diktofon për ndonjë prononcim nga Arditi por asgjë në horizont. Mbrëmjen e datës 17 paparazi ynë na raporton se në shtëpinë e Ardit Gjebreas pranë stadiumit “Selman Stërmasi” teksa ora po shkonte 21 00 një numër I madh njerëzish kanë hyrë me rradhë në shtëpi. Për një moment menduam se ishin të afërm të cilët ndoshta dhe ata në pamundësi për të komuikuar I janë drejtuar apartamentit në katin e dytë. Nga burimet tona zbuluam se nuk ishte kështu. Informatorët tanë pranë familjes së Arditit na konfirmojnë se ato vizita të shumta atë natë ishin për ditëlindjen e shtatëmbëdhjetë të djalit të tij të vetëm Jon. Prindërit, sipas informatorit tonë që ka qënë në atë darkë, I kishin organizuar një mbrëmje surprizë. Këto informacione të marra të shtunën e kaluar na ndaluan që të publikonim ndonjë informacion më shumë rreth lajmit të divorcit të Ardit Gjebreas nga bashkëshortja e tij Anila. Sipas informatorit tonë që ka qënë I pranishëm në atë darkë, çifti Gjebrea më së shumti kanë qeshur me lajmin e botuar se sa e kanë marrë seriozisht thashethemin që qarkullonte mbi një divorc të tyre të mundshëm. Duke qënë se nuk mund të besojmë verbërisht asnjë informator vendosëm që me fillimin normal të javës të fillonim edhe investigimin tonë të shkurtër rreth përditshmërisë së familjes. Gjatë pothuajse gjithë javës ata kanë dalë nga shtëpia gjithmonë rreth orës 10 të paradites dhe I janë drejtuar zyrës së tyre tek televizioni Klan ku aksidentalisht morëv vesh se janë duke punuar në një projekt të ri që pritet të fillojë sezonin e ardhshëm televiziv, por asgjë më shumë nuk dihet rreth planit të ri. Ja një tjetër lajm që do të na marrë kohë për t’u zbuluar. Duke iu rikthyer çështjes së divorcit në disa ndjekje tonat I kemi parë me një intensitet të lartë tek një restorant peshku prapa ish-ekspozitës që mesa duket është restoranti I tyre I preferuar dhe asnjë hije ndarjeje nuk duket. Ne u interesuam edhe në gjykatën e Tiranës por aty nuk ekzistonte asnjë praktikë divorci. Prova më e fortë erdhi nga këto foto të shkrepura nga paparazzi ynë. Çifti Gjebrea pasi ka mbaruar ceremonia mortore për të ndjerin Dritan Hoxha kanë qënë duke iu drejtuar makinës së tyre tip Audi të kapur për dore. Sipas paparazzit tonë, edhe në raste të tjera është mëse e zakonshme që ata të ecin të kapur për dore. Ndoshta dashuria e tyre nuk është si kur ishin 20 vjeç por as shenja ndarje nuk ka. Ne u interesuam edhe tek gazeta që botoi lajmin por askush nuk e di burimin e këtij informacioni deri tani të rremë. Ndoshta e ka tradhëtuar Anilën…me Anilën
Postuar në Personazhe 3 Komente »
11 Maj 2008
Kisha nje pyetje per te gjithe vizitoret e blogut. Cfare mendimi keni per turbofolkun, tallavane dhe pislleqe te tjera si keto?
Postuar në Pa kategori 8 Komente »
1 Maj 2008
besa
Misioni ynë si gazetë është që t’ju zbavisim. Mënyra që ka zgjedhur VFLP për ta bërë këtë është duke ngacmuar nga pak difektet skandaloze të personazheve publikë. Politika jonë redaksionale e ka rreptësisht të ndaluar bërjen e “furçave” ndoshta sepse ka shumë konkurentë në atë profil. Që prej ditës së parë të botimit, intervistat e botuara tek ne kanë qënë shuuumë të rralla. Kjo pasi nuk mund t’I japësh kujtdo luksin e të thënit lloj lloj paçavuresh ndërsa nga ana tjetër vjedhin këngë e lënë nam rrugëve të Tiranës. Por ato pak personazhe që e kanë plotësuar standartin e gazetës sonë për të qënë personazhë të intervistuar kanë pasur dëshirën për të folur me ne. Një nga këto personazhë është edhe Besa Kokëdhima. Këngëtaren e njohur e kemi intervistuar si të thuash vjedhurazi mes impenjimeve të saj të shumta. Ndërkohë që e kërkonim tek +2 Radio, ajo ishte në Top Fest e ndërkohë që niseshim për atje, asaj i duhej të merrej me punët dhe detyrimet administrative që ka pas puna si drejtoresha e një institucioni mediatik. Më në fund e zumë, pas një prite dashamirëse. Dhe e kemi detyruar të flasë për të rejat e fundit, për ndryshimet e fundit dhe për ato që nuk kanë ndodhur akoma.
Besa, si je, fillimisht, pasi është një pyetje që anashkalohet shpesh dhe ngelet tek formaliteti i përshëndetjes?
Të falenderoj që dëshëron vërtet të dëgjosh përgjigjjen.(Qesh) Ndjehem mirë.
Kërkuam që të takoheshim me ty dhe të realizonim këtë intervistë pas performancës tënde në Top Fest 5. Na trego gjithçka që publiku nuk di për mënyrën se si vrasin ëngjëjt?
Publiku, nisur nga përvoja jetësore e di, por autori i tekstit thjesht ia kujtoi, se nga të gjithë mund të presësh gjithçka…edhe nga “ëngjëjt”.Aq më shumë në një histori dashurie si kjo në këngë, kur nuk dihet nëse fundi i lidhjes ka ardhur vërtetë.
Kush janë autorët e këngës?
Kënga është kompozuar nga Daniel Alexandrescu, producenti rumun me të cilin kam realizuar këngët e fundit “Unik” dhe “Pa yllin tënd”, po ashtu si dhe fabulat janë ndërtuar nga i njejti ‘zbulim’; Olti Curri.
Do të pasohet nga ndonjë videoklip?
Duke qënë se është konkurente në Top Fest, nuk do të pasohet me videoklip. Duhet thënë se nga pikpamja artistike është një këngë që rrallë mund të ta zër veshi. E kam fjalën për gjuhën shuuumë artistike të përdorur, ndryshe nga këngët e tjera jo vetëm të tuat port ë kujtdo, pse kjo zgjedhje?
Gëzohem që e vlerëson kështu; u dashurova menjëherë me këngën dhe punuam me shumë dashuri për realizimin. Mendoj se është një këngë shumë e ngarkuar emocionalisht, me një tekst prekës e shumë artistik.Për sa i përket krahasimit, mendoj se të gjithe rritemi profesionalisht dhe rrjedhimisht duhet të jemi gjithnjë e më sqimatarë e cilësorë; aq më tepër në këtë periudhe të rëndë për muzikën shqiptare.
Nëse do të fitoje çfarë do të bëje?
Do të realizoja shpejt dhe bukur 3 këngë të reja…(Qesh)
Si ndjehet drejtoresha e një radioje që organizon një konkurs muzikor po kaq të njohur si “Mikrofoni i Artë” teksa konkuron në evenimentet rivalë?
Nuk kam komplekse të këtij tipi; besoj se duhet ta kini vënë re këtë nga gjithë konkurimet e mia të vazhdueshme. Di t’i ndaj përgjegjësite e mia e për më tepër jam dashamirëse ndaj punës së gjithkujt. Cdokush ka pjesen e tij në treg që nuk varet nga vogëlsi të tilla.
Do të merrje sërish pjesë tek “Mikrofoni”?
Që në momentin që unë kam marrë detyrën si drejtuese e Radios +2; pra jam e brëndshme në organizimin e këtij eventi; kurrsesi!
Shumë ndryshime, por duhet thënë se kjo ka qënë performance jote, në look gjithmonë, ku ti shfaqesh për herë të parë si një vajzë e brishtë por me një miksim force, përshtypje që të jep lëkura e veshur?
Mendoj se më e fuqishme është motivi i këngës; fabula dhe interpretimi. Nuk mund të gjitha këngët e mia të përcjellin të njëjtën gjëndje; do të shqetësohesha po të qe kështu.Detajet e tjera jam përpjekur t’i lidh me tërësinë artistike të performancës.
Pse me të zeza në skenë?
Si fillim, duke qënë se kënga është një baladë e trishtë dashurie; e zeza mishëron vajtimin. Përveç kësaj,ka edhe një detaj tjetër që kam dashur të evidentoj.Një nga vargjet e tekstit është- ‘veshur në të zeza më s’jetoj” pra pikërisht për të vënë në pah pafuqine dhe dhimbjen që karakterizon fundet e dashurive të mëdha.
Si po shkon bashkëjetesa?
Shume mire faleminderit 
Eldi gërrhet?
Jo.
Kush gatuan?
Pastat jane specialiteti im; guzhina ballkanike e tij.
Më thuaj si është të zgjohesh çdo ditë me të njëjtin person?
Varet nga personi; për mua është shumë bukur.
Keni ndërmend të bëni hapin e madh drejt altarit?
E kemi marre shtruar ; marrëdhënia evoluon natyrshëm brenda një çifti kur fazat rrjedhin natyrshëm. Kështu që tani për tani jemi ende “të vegjël”.
Çfarë do t’i thoje dikujt që lexon një gazetë me emrin VFLP?
Lexoje Vërtetë mos shiko Vetëm Fotot (Qesh)
Postuar në Personazhe 2 Komente »
1 Maj 2008
Spikerja e Tv Klan nuk pranon të marrë pjesë në maratonën e bamirësisë
Tragjedia e Gërdecit, pa dashur të ndikohemi nga asnjë kontekst apo prapaskenë ka qënë një nga fatkeqësitë që ka prekur më shumë mbarë opinionin public madje jo vetëm në Shqipëri. Viktimat e shumta që shpërthimi pranë Vorës shkaktoi, kanë qënë jashtëzakonisht të shumta duke marrë përmasa apokaliptike. Por ne si gazetë nuk kemi për qëllim të merremi sot me këtë ngjarje por me një episode që ka lidhje të drejtpërdrejtë me këtë fatkeqësi. Emisioni “Më shumë dashuri” I Vera Grabockës dhe Alketa Vejsiut zhvilloi në të dy javët e kaluara një maratonë të jashtëzakonshme bamirësie duke mbledhur fonde për familjet e viktimave. Nëpërmjet telefonit dhe ardhjes në studio shqiptarë dhe kosovarë nga të gjitha vendet ku ata ndodheshin iu bashkuan thirrjes së Alketës për të ndihmuar këto familje në nevojë. Një gjetjë shumë interesante ishte fakti se telefonatat në studio nuk I prsnin studentet apo sekretaret e zakonshme por vip-a të ndryshëm. Ndër tam und të përmendim emra shumë të spikatur si Valbona Selimllari e cila shfaqet shumë rrallë, Pirro Çako, Indrit Fortuzi dhe Redi Jupi. Një tjetër e ftuar “vip” në këtë emision ishte edhe spikerja e lajmeve të Tv Klan dhe ish-zëdhënësja e Besnik Mustafait Desada Metaj. Burime të brendshme të emisionit na treguan një histori shumë zhgënjyese. Gazetarja në javën e parë që u zhvillua kjo maratonë shkoi pranë studiove të vjetra të Tv Klan me idenë se thjesht do të fliste për tragjedinë e Gërdecit. Kur organizatorët e sqaruan për punën që do të kryente gjatë mbrëmjes ajo u indinjua dhe u largua me frazën, citojmë burimin: Nuk e shes kaq lirë imazhin tim. Ky është një thashethem nga ato që ne zakonisht nuk botojmë por shija e hidhur që na la na detyroi të flisnim për të, madje nuk kemi vënë as foto ilustruese për të shprehur indinjatën tonë. Desada, nuk besojmë se ke më shumë imazh se Selimllari, Grabocka dhe Vejsiu të bëra bashkë!!!
Me respect, viktimat e Gërdecit!
Postuar në Pa kategori 1 Koment »
1 Maj 2008
xhemi
Në mënyrë ekskluzive po sjellim disa foto shokuese. Jo se kanë ndonjë gjë të jashtëzakonshme në pamje të parë por pas sqarimit të vogël që do të bëjmë ndoshta do të ndryshoni mendim. Protagonistët e këtyre fotove të bëra me cellular nga një distancë e afërt janë Xhemile Shehu (Xhemi) dhe ish të dashurit të saj që quhet Vasien. Aktualisht bukuroshja e ekraneve shqiptare po jeton një lidhje me një biznesmen me emrin Visi ndërsa ish i dashuri i saj është një teknik në një television. Kur Xhemi filloi të ngjiste hapat e parë të karrierës ajo shfaqej në krah të një djali trupmadh me të cilin kishte një marrëdhënie që arriti deri në fejesë. Kur fama e saj po rritej iu duk e arsyeshme që lidhja me djalin e panjohur dhe jo shumë të pasur të mbaronte (nuk po aludoj për asgjë…) dhe vendosi të ndërmerrte marrëdhënie të tjera deri sa u lidh me Visin me të cilin duket se poi a kalon mrekullisht. Por kjo foto e bërë në një nga pub-et e Tiranës ngre shumë pikëpyetje. Si ka mundësi që Xhemi ka dalë me ish-të fejuarin e saj. A e di Visi? A po ndodh ndonjë tradhëti? A janë takuar rastëisht? Etj etj. Por ajo çka mund të themi është fakti se Xhemi duket se poi a kalon mrekullisht në krahët e ish-it duke kërcyer dhe duke pirë si kurrë ndonjë herë. Urojmë që këto foto most ë jenë prova e ndonjë tradhëtie me drita të kuqe. Vajza që është protagonist e fantazisë së shumë meshkujve shqiptarë aktualisht nuk ka asnjë angazhim publik edhe pse u përfol rikthimi I saj në drejtimin e “Portokallisë” së këtij viti.
Postuar në Personazhe 0 Komente »
1 Maj 2008
Që kur për herë të parë është shkruar në rubrikën “Personazhi publik i veshur skandal”, protagonist kanë qënë vetëm femra të cilat ndonjëherë apo herë pas here kanë shfaqur mungesë në shije. Këtë herë duke marrë spunto nga një lexuese do të flasim për një mashkull. Ndryshe nga ç’e prisja nuk bëhet fjalë për ndonjë nga këngëtarët e zakonshëm që gjykohen për veshjen e tyre. Sms-të e mbërritura në numrin tonë 15 120 kanë në qëndër pikërisht gazetarin e njohur Mustafa Nano. Prezantuesi i “Deja Vu” kur është në studion e tij zakonisht vishet në një mënyrë që i shmang komentet e mundshme. Kostum, këmishë, këpucë të zeza. Si të gjithë bashkëmoshatarët politikanë apo të ndonjë profili tjetër. Deri këtu nuk ka asgjë të jashtëzakonshme. Çudia fillon pikërisht kur Muçi, siç thirret ai zakonisht, është i ftuar nëpër evenimente të ndryshme apo në emisione të tjera jashtë të tijit. U bënë shumë kohë tashmë që ai ka një uniform fikse nëpër intervista apo ftesa të cilat pranon. Siç duket edhe në këto foto që kemi zgjedhur për të ilustruar pikërisht lëkurën e tij të dytë, bëhet fjalë për një xhakovento jeshile në mente që ngjan si një borzilok me thinja. Nën të vjen rradha e një pulovre portokalli feksëse. Pavarësisht nga temperaturat apo moti, z.Nano nuk ndalet por mban edhe një këmishë bezhë me tonalitete të ngordhura nën të. Nëse ndokush prêt pantallonat e zakonshme jeans, as që bëhet fjalë. Edhe për këmbët Mustafai ka menduar diçka ekstravagante që ndoshta do t’I shkonte pot ë ishte pak më I ri, piktor, dhe I dëshpëruar, një palë pantallona doku të një ngjyre që na ka future në një debat të thellë si redaksi. Si përfundim tre ngjyrat finaliste të cilat kanë pantallonat janë gri miu, jeshile e shpëlarë nga lavatiçja dhe speca turshi. Dhe si për t’I dhënë më shumë ngjyra kësaj performance “alla Edi Rama I dehur” është edhe një shall më I famshëm se zotëruesi I tij. Ngjyrat janë pak si ato qilimat e kohës së Sulltan Karamahmutit. Nëse akoma uk poi u përzihet nga të gjithë këto ngjyra, prisni pasi janë edhe atletet. Në fakt kasha shumë vite pa parë një burrë në moshë të veshë diçka tjetër veçse këpucëve në ndonjë eveniment. Analist vesh zakonisht një palë atlete që më shumë ngjajnë si ortopedike për dystabanët e vegjël. Ndoshta për ndonjë pub të fshehur kjo veshje do të ishte mirë dhe mbi të gjitha sikur Mustafa Nano të vishte edhe ndonjë gjë tjetër përveç këtij kombinimi. As nuk e diskutojmë që Muçi I ka mundësitë për të tjera veshje por nuk e dimë kujt ia ka premtuar një stilt ë tillë. Ndoshta ia ka premtuar vetes që kur është bërë sërish beqar pas ndarjeve të shumta që ka pasur në jetë. Në fakt Mustafa duhet të ndërrosh rrobat, jo gratë!!!
Postuar në Fashion 3 Komente »
30 Prill 2008
Informatorët thonë se kanë më shumë se një muaj që janë ndarë
Mbaron “dashuria e madhe” mes Florian Mumajesit dhe Soni Malajt. Në fakti nga informacionet që VFLP disponon, rezulton se çifti kanë më shumë se 4 javë që është ndarë. Nuk dihen arsyet se pse mbaroi lidhja që nga gjithë mediat e mundshme cilësohej si e përjetshme. Qarkullojnë zëra se një nga shkaqet fillestare ka qënë stili i ndryshëm i jetesës së Sonit dhe Florit. Ne tentuam kontaktin me të dy këngëtarët por një gjë e tillë ishte e pamundur. U detyruam që të pyesnim miqtë e tyre dhe të gjithë na e konfirmuan ndarjen ose prishjen e çiftit të përbërë nga këngëtarët e suksesshëm të momentit. Fatkeqësisht edhe kënga “Fluturimi 3457141463213479” doli pak bllof pasi 90% e suksesit të saj qëndronte në faktin se partnerët që e këndonin ishin partnerë edhe në jetën reale. Të gjitha variantet e mundshme të ndarjes janë të pranueshme çka do të thotë se thashethemet mbi arsyet se pse ata janë ndarë do të marrin dhenë dhe në javët e ardhshme do të dëgjojmë lloj lloj çudirash rreth kësaj gjëje por diçka është e sigurt: Soni dhe Flori nuk janë më bashkë. Nuk dihet se çfarë do të ndodhë me projektet e shumta që ata kishin marrë përsipër së bashku përfshi fjalët për një album. Kjo lidhje pushtoi për shumë kohë faqet e para të gazetave të ndihmuar edhe nga vetë protagonistët që shpërndanin foto të bëra me cellular. Ata ishin (fatkeqësisht tashmë duhet të përdorim kohën e shkuar) një nga çiftet më të preferuar të publikut por meqë edhe ne duam të bëjmë si Hollywood-ianë të vegjël dhe në Hollywood çiftet e bukura ndahen edhe ata, u ndanë!!!
Postuar në Vip 18 Komente »
30 Prill 2008
Skandal
Elsa Lila e shthurur
Kolegët e “Moulin Rouge” denoncojnë sjelljen skadaloze të këngëtares
Këtë javë kemi marrë vesh një lajm skandaloz për këngëtaren tonë aq të dashur Elsa Lila. Në fakt në momentet që dëshmitarë të ndryshëm okularë po na raportonin për atë çka do t’ju përcjellim këtë javë, shokimi për të gjithë stafin tonë ka qënë shumë I madh. Në fakt disa bashkëpunëtorë të afërt të shfaqjes më të fundit që Elsa po realizon në Shqipëri kanë ardhur pranë redaksisë sonë për të dëshmuar një aspect deri më tani të panjohur të këngëtares. Në fakt vajza e njohur ka pasur gjithmonë imazhin ëngjëllor që veç një këngëtare e dalë në skenë që 14 vjeç mund ta ketë. Por ja që përfytyrimi ynë kolektiv për Lilën nuk është I saktë. Disa kolegë të saj treguan për VFLP se Elsa gjatë gjithë kohës së provave ka qënë pothuajse përditë me vonesë në orare dhe mbi të gjitha kur ka ardhur përveç faktit që ka qënë me humor të prishur dhe në pamje të parë e lodhur nga ndonjë natë e lodhshme karakterizohej nga fjalori më I ndyrë I mundshëm edhe për ndonjë kriminel të regjiur të burgut të Peqinit. Ata thonë se këngëtarja nuk kishte ditë që mos t’u drejtohej të gjithëve me fjalë ofenduese dhe në disa raste ka ardhur e dehur në prova. “Në fillim e kishim shumë të vështirë ta besonim – tregon për gazetën një nga artistët që do të mbetet anonim – por sjellja e Elsës sa vinte e përkeqësohej. Nuk mund ta besonim se nga goja e saj mund të dalin të tilla fjalë”. Mesa duket ai imazhi I asaj vajzës së vogël që fitonte festival me atë zërin e ëmbël dhe paraqitjen modeste ka humbur diku nëpër rrugët e Italisë ku Elsa u rrit dhe vazhdoi projektet e saj. Gjithashtu gazeta ka mbledhur dhe prova të tjera rreth stilit skandaloz të jetesës që Elsa ka në Shqipëri por për shkak të etikës nuk mund t’I botojë ato deri në një moment të dytë kur të kemi mbledhur të gjitha provat. Deri në ditët e fundit shfaqja “Moulin Rouge” ka qënë në rrezik për shkak të paraqitjes së dobët të Elsës në prova dhe nuk dihet a do t’ia dalin ta mbajnë spektaklin në këmbë në të gjitha datat e prenotuara. Ndoshta tani mund të kuptojmë pse rrëshkasin nga mendtë e kokës edhe vip-at e huaj. Fama e tepërt të bie në kokë!!!
Postuar në Pa kategori 18 Komente »
28 Prill 2008
Nëse në Shqipëri do të bëhej një konkurs për veshjen më skandaloze si anketa që po bën gazeta VFLP fituesja e padiskutueshme do të ishte Aurela Gaçe. Jo vetëm për performancën e saj të fundit tek “Kënga Magjike”, por që nga daljet e saj të hershme apo ai recital me Elton Dedën në fillimvitet 90’ ku Aurela mbante një palë kambale të cilat edhe kompania që I prodhoi I hoqi nga tregu për shkak të turpit. Kuptohet po flasim për veshjen pasi sa I takon zërit dhe këngëve ajo qëndron shumë lart. Nuk e kuptojmë dot këtë mungesë të theksuar shijeje që ajo ka pasi nuk mund të themi që nuk ka parë botë me sy. As Amerika nuk e ndihmoi përmirësimin e aspektit të saj të jashtëm, pasi kur u rikthye që nga përtej detit ajo ishte më keq se ç’e mbanim mend. Zë potent, performancë e fuqishme dhe një veshje si 15 vjeçare që vishet veresie te “Gabi”. Mos të flasim për kanatieren e bardhë si një mafioz Italian në kohën e lirë. I mungonte vetëm varësja e floririt me imazhin e krishtit dhe do të quhej fare mirë “Don Aurela”. Sidoqoftë vlonjatja jonë as në jetën e natës nuk shkëlqen. Në disa foto të bëra në shoqërinë e Eli Farës ishte veshur si një murgeshë në varrimin e Versaces pasi pot a shihte ndonjë stilist me siguri do të prenotonte një krevat tek “Spitali Ushtarak”. Aurela kanë shpikur disa lloje revistash që quhen të specializuara për modë. Shfletojiiiiii!!!
Postuar në Fashion 8 Komente »
28 Prill 2008
Për titullin e këtij shkrimi nuk mjaftojnë thjesht 3 pikëçuditëse pasi do të duheshin edhe 30 të tjera, kuptohet, nëse titulli do të ishte I vërtetë. Fatkeqësisht nuk është kështu! Kozeta Kurti prezantuesja simpatike e “Konak” as që ka ndërmend të bëjë ndonjë dietë apo ndonjë gjë të ngjashme me të. Thjesht nuk I pëlqejnë. Diçka e tillë mund të kuptohet edhe nga pasioni me të cilin Kozeta po “ekzekuton” thërrimet e fundit të një darke shumë të bollshme të cilën nuk e gjykuam ta pasqyronim me foto duke dashur të ruajmë fëmijët dhe personat që vuajnë nga zemra. Sidoqoftë na duhet të këshillojmë Kozetën për peshën e saj dhe për vështirësinë mbi të gjitha që u sjell kameramanëve të Vizion Plus inkuadrimi I saj. Për të mirën e njerëzimit: Pakësoje ushqimin!!!
Postuar në Personazhe 3 Komente »
26 Prill 2008
vflp.shqipo eshte blogu i gazetes VFLP. Ky eshte nje blog i ri dhe duke qene jashtezakonisht pa eksperience mirepresim cdo sugjerim te mundshem. Paraprakisht po ju lajmerojme se ketu do te publikohen artikujt e gazetes qe jane thashetheme dhe artikuj mbi moden modeste shqiptare dhe keshilla
Postuar në Pa kategori 3 Komente »
25 Prill 2008
Spikeria e njohur e lajmeve dhe gazetarja simpatike Sonila Meço ka vendosur të largohet nga ekrani I Vizion Plus. Kanë filluar të qarkullojnë zëra se gazetarja do t’I shtohet organikës së Tv Klan. Ky lajm përforcohet nga fakti që në drejtimin e departamentit të informacionit në Tv Klan është pikërisht Andi Bejtja. Ajo është duke shkuar mesa duket pas ish-shefit të saj Andi Bejtja. Një lëvizje e tillë në fakt nuk ndodh për herë të parë. Në kohën që Bejtja bëri kalimin e tij nga Top Channel për tek Vizion Plus, Sonila e ndoqi vetëm pak javë më vonë. Sa I takon Klanit, nuk mund të themi që është një ambient krejt I panjohur për Sonilën, pasi ajo ka punuar më parë aty, madje nëpër studiot e Tv Klan ajo u njoh dhe me të fejuarin e saj të hershëm Drini Jasën I cili ndërkohë që Sonila ishte në ekran asokohe qëndronte në pultin e transmetimit. Deri tani nuk ka asgjë të konfirmuar por gjithçka mund të ndodhi por në një lëvizje të tillë problemin më të madh do ta kishte I fejuari I Sonilës e pikërisht ish-tekniku I Klanit që e ndoqi atë tek Vizion Plus. Në këtë eksod drejt Tv Klan nuk e dimë se si mund të rikthehet Drini pasi nuk besojmë se tashmë ata mund të punojnë më larg njëri-tjetrit
Postuar në Pa kategori 1 Koment »
RSS për postimet
Komentet e fundit